Encordass Fiddle Fest
2024

Artistas internacionais

Hari Ram dum Bopá

Tocador de Ravanattha con máis de 30 anos de experiencia.  Músico convidado dende Jaisalmer como representante da tradición rajastaní de corda xunto a Ramswarup, tocador de duluc.

Ragas & Talas

Ritmos do sur da India  canto carnático e «konnakol». Trío formado polo percusionista Narendran Bashkaran ao mridangam, Marije Hristova, violinista de orixe búlgaro que fusiona a música indostaní e carnática, e  ao sitar.

Wild Strings Trio

Trío de Ljubljana cun son único e singular onde mesturan diferentes xéneros musicais cunha traxectoria de xiras, concertos e festivais por toda Europa e ata Irán e Usbequistán. Melodías dos Balcanes e ritmos celtas, entrelazados co jazz e a música clásica, cunha expresión flamenca improvisada e enraizada na música tradicional.
Arranxos e ritmos complexos, a súa música sincera e singular fascina a un público diverso proveniente de todas partes do mundo.

Raphael Maillet

Violinista cunha personalidade musical ecléctica forxada en Aviñón e Montpellier, baila e conta historias á vez que toca. Apaixoado polo aspecto tradicional do violín toca e imparte cursos en festivais internacionais.

Con numerosas gravacións, este músico polivalente toca en orquestras, grupos de Bluegrass e Old-Time (folclore americano), irlandeses, quebequeses, corsos, romaneses, jazz, blues, rock, danzas folclóricas e tango.

Blanche Oguey

De formación clásica namorouse dos sons da música folclórica francesa e da Nyckelharpa. Estudiosa da música folclórica sueca participa en moitos proxectos internacionais, o que lle permite experimentar e enriquecerse constantemente.

Kathryn Dohnner

Violinista alemana especialista en técnica Alexander, música étnica e educación musical alternativa. Dende 2013 é parte do equipo organizador e conferenciante en Ethno Germany, un campamento intercultural de música folk dirixido por Jeunesse Musicais Germany. Fundadora e directora musical do premiado proxecto intercultural «Folklang» en Tubinga.

Toby Kuhn

Ecléctico cellista austríaco estudou co internacionalmente aclamado Yegor Dyachkov. Cunha dobre licenciatura en Interpretación e Teoría da Música descubriu o pracer da dirección orquestral e, baixo a tutela do mestre Alexis Hauser, organizou, ensaiou e dirixiu pequenas orquestras ad hoc dos seus compañeiros de escola en actuacións moi apreciadas durante toda a súa estancia en Montreal.

Petra Onderufova

Nada en Banska Bystrica (Eslovaquia) estudante de cello no Conservatorio de Brno (República Checa) interesouse polo violín co descobrimento persoal do jazz e as músicas tradicionais iniciando os seus estudos no Conservatorio de Klagenfurt (Austria) con Max Grosch, graduándose en Composición e Arranxos de Jazz con Johannes Berauer, Christian Howes, Mark Feldman, Simone Zanchini, Brian Blade, John Patitucci. Chegou á música india con Sharat Chandra Srivastava e Pt. Suresh Tal Walkar.

Active Mess

Cuarteto nado nas rúas do centro de Lisboa co obxectivo de participar en iniciativas e espectáculos remunerados para financiar os seus estudos individuais, está formado por Jacqueline Monteiro, Mariana Santos e Edvânia Moreno ao violín e Lívia Mendes ao cello.  Cos seus arranxos do repertorio popular, influencias da música caboverdiana, músicas do mundo, música clásica e mesmo algunhas bandas sonoras,  contaxian a súa enerxía e amor pola música.

Galicia

Ghaveta

Cuarteto de Mondariz de música de raíz galega. Arpa, violín, voz, percusións, guitarra acústica e bouzouki. Ghaveta ten un directo intenso, cheo de emoción. A voz, as percusións e a arpa crean novas atmósferas que che levarán a moverte, por dentro e por fóra, mentres o bouzouki e o violín interpretan intrépidas melodías. Vivirás un extenso percorrido por Galiza da man de Ghaveta. Temas tradicionais que acollen unha inefable actualidade.

Hugo Franco e Franc Xarau

Hugo Franco & Franc Xarau

Dúo que se mergulla con mestría no repertorio trad, ibérico e na fusión das impresionantes melodías galegas.

Sandra Castro foto

Sandra Castro

Nacida en Madrid, Sandra Castro reside actualmente en Glasgow, donde estudia Música Tradicional en el Royal Conservatoire of Scotland, enseña música a niños y compone sus propias canciones.

Gom Goas

Mestre de música e guitarrista que formou parte de diferentes bandas de música galega e folk como A Quenlla, A Banda das Crechas, Tis-Che-Tein, Davide Salvado ou Tanxugueiras. Actualmente é membro do grupo de música galega Os d ́Abaixo.

María Pérez

Violinista folk pertencente á nova xeración de fiddlers galegos e integrante da Orquestra folk SondeSeu. Colaborou con Begoña Riobó e Hugo Franco no seu primer proxecto discográfico.

Germán Clavijo

Integrante da Royal Philharmonic Orchestra, BBC Philharmonic, Royal Opera House e Ensemble Moderna grabou para Classic FM, a BBC (Reino Unido) e para Radio Nacional TVE. Foi Viola Principal da Orquesta Ciudad de Granada e Director Artístico da Ensemble Instrumental de Granada.

Beatriz Martínez

Con Rodrigo Romaní Trío publicou Fíos de Ouro no Ár e illas. Cofundadora do proxecto Percubebés (música infantil) xunto a Marcelo doBode. Directora da sección de harpas da orquestra SonDeSeu e integrante do cuarteto folk Ghaveta. En 2021 publica ‘Tal como as nubes’.

Aleksander Kuzmíc

Guitarrista, cantante, compositor e multiinstrumentista Aleksander Kuzmić naceu en Maribor (Eslovenia) no seo dunha familia amante da música; a súa nai, cantante, fíxolle escoitar durante toda a súa mocidade música tradicional balcánica, un gusto que lle acompañou desde entón. Tras uns anos cantando no coro da súa escola primaria, Aleks uniuse a un grupo de teatro en inglés onde cantou en coñecidos musicais (Cats, Hair, Os Miserables, A Pantasma da Ópera…), para pasar despois a formar parte do grupo de teatro Gnosis, onde tivo papeis protagonistas en espectáculos como Clockwork Orange, Alamut ou Brave New World. Toca a guitarra flamenca, o buzuki, a Kora e tamén o Kval e o Bansuri, frautas de orixen asiático. É membro de numerosas bandas de música folk en centroeuropa.

 

Proximamente máis información

Consentimiento de Cookies con Real Cookie Banner