Encordass Fiddle Fest é un festival especializado no fiddle e a música de corda alternativa. Co violín como fío condutor, explora as conexións da música popular e de raíz en diferentes culturas, fusionando artistas internacionais con música galega nun espazo natural tan especial como é a Illa de San Simón.

As características do entorno e a singularidade do seu plantexamento fan do festival un evento cultural de referencia, cun cartel conformado tanto por artistas consagrados como por bandas emerxentes.

Encordass Fiddle Fest achega o violín ao público, desmontando o tópico social que o relega á esfera formal da música clásica e demostrando que é un instrumento accesible, plural e versátil.