O día 27 de xuño concerto presentación en Cesantes, Redondela, con acceso gratuito.  O venres 28 e sábado 29 visitas musicalizadas de tarde. O domingo 30 de xuño día grande con concertos, obradoiros e actividades infantís.

A maior parte das actividades terán lugar na Illa de San Simón (Redondela), na Ría de Vigo.

Para as modalidade de entrada Fiddle Fest Serán e Vip os barcos sairán dende Meirande.

Para as persoas con aboamento Encordass completo o embarque será o venres 28 de xuño ás 12:00 h dende o peirao de San Adrián de Cobres (Santradán).

As persoas inscritas na modalidade Encordass Reducido entrarán na
illa dende o porto de Cesantes o sábado 29 ás 9:00 h.

Menores ata os 18 anos deberán ir acompañados dunha persoa adulta. A entrada para menores ata 14 anos é gratis, non pagan entrada.

As persoas novas (de 14 a 30 anos) desfrutan dun 25 % de desconto sobre o prezo da entrada da modalidade escollida.

Na illa atoparás postos para adquirir bebida  e zona gastro cunha oferta gastronómica variada, incluíndo opcións veganas e sen gluten. Non esquezas que consumindo nos postos colaboras para que a celebración sexa un éxito e poidamos continuar.

Poderás pagar tanto con tarxeta como en efectivo.

Non está permitida a entrada de animais á illa debido a que é un espazo natural protexido. Unicamente permitirase a entrada de cans guía.

Só está permitido fumar nos peiraos e nas superficies empedradas da illa. 
Sobre todo Non apagues ou tires as cabichas ao chan baixo ningunha circunstancia. Se non levas cenicero portátil pide a organización información.

Lembra que estás nun espazo protexido e, tanto para ti como para as persoas que están na illa será moito mellor que evites os fumes na medida do posible.

O baño na Illa de San Simón non está permitido.